靠網頁內容落廣告賺錢已經行唔通？AI 流量全面玩殘傳統模式 💸

最近睇 Cloudflare 數據，全網有高達 60% 嘅 HTML request 已經係由 AI 機器人發出，人類真實流量跌到得返 38%。互聯網嘅玩法已經徹底變天！

🔻 傳統廣告模式瓦解：以前網站俾免費內容換流量，再靠落廣告賺錢。而家 ChatGPT、Claude 直接總結曬答案俾 User，大家根本唔使再撳入去你個網。

🔻 貼錢養 AI 爬蟲：AI 狂 scrap 數據做 RAG，但極少帶返流量。以 ClaudeBot 為例，抓取 4200 個網頁先換到 1 個訪客！平時有管開 Server 就明，依家變相係網站營運者要硬食龐大嘅頻寬成本，免費任 AI 拎數據，但就賺唔到廣告錢。

💡 未來出路：「Pay-per-request」機對機支付 既然無得再靠「人類眼球」賺廣告費，未來好可能要轉玩 Machine payments。當 AI 機器人一埋嚟 Web server 或者 API 攞數據嗰刻，系統就自動扣取極微細費用。互聯網正被迫由「免費開放」步向「按數據訪問付費」嘅時代。